暑假爆Fun新體驗！玩轉「為食菠蘿油樂園」
今個夏天，想約埋屋企人或朋友仔玩番夠本？香港挪亞方舟驚喜聯乘本地萌爆卡通人物菠蘿油妹妹，打造全新主題活動「為食菠蘿油樂園」，帶你齊齊投入超好玩嘅港式美食互動體驗！
巨型燒賣蒸霸戰考驗你嘅手眼協調，脹卜卜嘅巨型燒賣等你嚟夾！場內仲有「菠蘿油妹妹」大型壁畫，邊玩邊打卡，勁有Feel！奶茶彈彈跳將經典遊戲重新演繹，配合港式奶茶杯設計，奶茶控必玩！夏日消暑圈圈樂就要運用拋物線技巧，將遊戲圈套中造型萌爆嘅雪糕、紅豆冰同凍檸茶！
同場加推3大創意工作坊，大小文青既可以親手製作Q版叉燒包擴香石，再配上清新香薰油，香噴噴咁帶返屋企；亦可以發揮廚藝天份，即場炮製菠蘿油妹妹及趣緻蛋撻造型嘅曲奇，酥脆香口又可愛！仲可以調製出超逼真嘅凍檸茶造型蠟燭，加埋檸檬片同冰粒，讓你秒速降溫！
玩到肚餓就一定要到「菠蘿油妹妹」主題餐廳歎盡蝦多士、雞蛋仔、葡撻及紅豆冰等地道小食，款款都有童趣小裝飾，加埋場內Cute爆嘅「菠蘿油妹妹」立體裝置，打卡一流！
最後記得帶埋「菠蘿油妹妹」馬灣美食遊主題紀念卡，穿梭挪亞方舟及馬灣1868各個打卡熱點，搜集奇趣印章！仲有最新推出嘅「馬灣古蹟遊蹤住宿套票」，可入住舒適客房兼有專業導賞員帶你深度遊馬灣，到訪小島多個秘境！
香港挪亞方舟「為食菠蘿油樂園」
日期：即日起至2025年8月31日 (逢星期六、日)
詳情：https://www.noahsark.com.hk/tra/2025summerevent.jsp
查詢：(852) 3411 8888
於活動期間，特設以下多項優惠：
凡惠顧2張遊客門票可獲贈1套10個遊戲代幣以參加部份活動
門票買2送1連總值100元現金券
於香港挪亞方舟官網購買門票，更可免費獲贈單程巴士車票/船票 (指定路線)
部份體驗另需收費及/須符合特定參加資格
進入餐廳無需主題公園門票
歡迎帶同摯愛毛孩同遊香港挪亞方舟 (均需門票)
適合年齡：4 – 7歲
